ҠОРБАН БАЙРАМЫ МЕНӘН,ҠӘҘЕРЛЕ ТАМАШАСЫЛАРЫБЫҘ

Был изге көндә һеҙгә тыныслыҡ, яҡты өмөттәр, тормошоғоҙҙа именлек теләйбеҙ. Яҡындарығыҙ иҫән-һау һәм бәхетле булһын! Күңелегеҙҙә иман, ололарға ҡарата ихтирам һәм яҡын кешеләрегеҙгә һөйөү хисен һаҡлағыҙ

РӘХМӘТ БЕЛДЕРӘБЕҘ

Май айында Өфөлә уҙған VIII халыҡ-ара «Туғанлыҡ» фестивале программаһына ингән спекталдәрҙән тыш, тамашасыларға көн һайын театр фойеһында республикала йәшәүсе төрлө милләт вәкилдәренең әүҙем йәмәғәтселәре төрлө саралар тәҡдим итте. Йырлы-моңло осрашыуҙар, төрлө темаға арналған күргәҙмәләр фестивалдең сағыу бер биҙәге булды. Мәжит Ғафури исемендәге Башҡорт академия драма театры директоры Иршат Ишбулат улы Фәйзуллин ошо сараларҙа әүҙем ҡатнашҡан ойошмалар […]

К. ЖАНТОШЕВ ИСЕМ. ЫСЫҠКҮЛ ӨЛКӘ МУЗЫКА-ДРАМА ТЕАТРЫНАН ӨФӨ ТАМАШАСЫЛАРЫНА ҘУР БҮЛӘК

24 май М.Ғафури исем. Башҡорт академия драма театры сәхнәһендә К. Жантошев исем.  Ысыҡкүл өлкә музыкаль-драма театры Өфө тамашасыларына «Күн кармаган бала / Мальчик, державший в руках солнце» (С. Раев, реж. У. Карыпбаев) спектаклен сәхнәләштерҙе. Тамашасылар спектаклде бик йылы ҡабул итте, артистар күңел һалып башҡарғандары күренеп тора ине, шуға күрә лә залда ултырыусылар уларҙы көслө алҡыштарға […]

М. ҒАФУРИ ИСЕМ. БАШҠОРТ ДӘҮЛӘТ АКАДЕМИЯ ДРАМА ТЕАТРЫ КОЛЛЕКТИВЫ ХАЛЫҠ-АРА «КИТАП-БАЙРАМ» ЙӘРМИНКӘҺЕНДӘ ҠАТНАШТЫ

«Туғанлыҡ» Халыҡ-ара милли театрҙар фестивале тамамланыу менән Мәжит Ғафури исемендәге Башҡорт дәүләт академия драма театры коллективы тағы ла бер Халыҡ-ара сараға ҡушылды. Ул да булһа,Совет майҙанында уҙған «Китап байрам» йәрминкәһе. Унда беҙҙең театр артистары «Һүҙ сәнғәте» тигән темаға арналған художестволы проект тәҡдим итте. Ҡатнаштылар: Морат Рафиҡов, Айым Сөләймәнова, Илүзә Кусябаева, Таң Хөсәйенов, Светлана Хәкимова, Артур […]

ЮБИЛЯРҘАРҘЫ ҠОТЛАЙБЫҘ!

Оҙаҡ йылдар дауамында театрға арналған фиҙаҡәр, тырыш хеҙмәте, театр эшмәкәрлегенә ҙур өлөш индергәндәре өсөн күркәм юбилейҙары уңайынан Тамашасылар менән эшләү һәм гастролдәр ойоштороу бүлегенең өлкән администраторы – Зәйнулина Рима Ирик ҡыҙы һәм Костюмдар цехы хеҙмәткәре – Ханмырҙина Нәсимә Фәһим ҡыҙы маҡтау ҡағыҙҙары менән бүләкләнде. Киләсәктә лә ғүмер үрҙәренә арымай-талмай, дәрт, шатлыҡ, өмөт, ышаныс менән атлағыҙ, […]

БАШҠОРТОСТАНДЫҢ МӘҘӘНИӘТ МИНИСТРЫ ФЕСТИВАЛДӘ ҠАТНАШЫУСЫ ТЕАТРҘАРҘЫҢ ЕТӘКСЕЛӘРЕ МЕНӘН ОСРАШТЫ

Бөгөн Мәжит Ғафури ис. Башҡорт академия драма театрында Башҡортостан Республикаһының мәҙәниәт министры Әминә Ивний ҡыҙы Шафиҡова «Туғанлыҡ» Халыҡ-ара милли театрҙар фестивалендә ҡатнашыусы театрҙарҙың етәкселәре менән осрашты. Осрашыуҙа Фестивалдең директоры – М.Ғафури ис. Башҡорт дәүләт академия драма театры директоры И.И.Фәйзуллин, Ғ.Мөсрәпов ис. Ҡаҙаҡ дәүләт академия балалар һәм үҫмерҙәр театры директоры Т.К.Есеналиев һәм художество етәксеһе Ф.Е.Молдағәли, Әлмәт […]

9 МАЙ– ЕҢЕҮ КӨНӨ!

«Бер нәмә лә, бер кем дә онотолмай» Дүрт кенә хәрефтән торған ошо һүҙҙә күпме оло мәғәнә, күпме һағыш-борсоу, күпме шатлыҡ һәм бәхет, күпме әсе күҙ йәштәре, бар кешелек ғүмере, бөтә тормош асылы… Ҡәҙерле атай-олатайҙарҙың ғәзиз ғүмерҙәре менән ниндәй ҙур юғалтыуҙар һәм тетрәнеүҙәр менән яуланған ул Бөйөк Еңеү!.. Илебеҙ күге – аяҙ, донъяларыбыҙ имен булһын, шул […]

ЯҘ ҺӘМ ХЕҘМӘТ БАЙРАМЫ МЕНӘН!

1 Май – илебеҙ халҡының берҙәмлеген, татыулығын сағылдырыусы күңелле байрам. Хеҙмәт һәммәбеҙҙе берләштерә, бер маҡсатҡа тупланып, киләсәккә ҡарап эшләргә өйрәтә. Өлкән быуын өсөн был көн берҙәмлекте белдергән булһа, ә балалар, йәштәр өсөн – тәбиғәттең сәскә атыу мәле. Барығыҙҙы ла шытып сыҡҡан йәшел сирәм, ағастар япраҡ ярған Яҙ байрамы менән ҡотлайбыҙ. Уның һулышы күңелегеҙгә нур өҫтәһен, […]

БАШҠОРТ ТЕЛЕНӘН ХАЛЫҠ-АРА ДИКТАНТ

Бөгөн театрҙың бер төркөм артистары һәм хеҙмәткәрҙәре Башҡорт теле буйынса халыҡ-ара диктант яҙыу акцияһында ҡатнашты. Берәүҙәр юғары уҡыу йорттары аудиторияларында парта артында яҙһа, икенселәр онлайн форматты һайлап өйҙәрендә башҡорт телен белеү буйынса үҙ көстәрен һынаны. Ә кемдәрҙер хатта диктантты үҙҙәре уҡыны. Ә һеҙ, беҙҙең яратҡан тамашасыларыбыҙ, халыҡ-ара диктант яҙыу акцияһында ҡатнаштығыҙмы? Быйылғы тема уҙған йылдыҡына […]

ВЕНГРИЯЛА “ҠАРА ЙӨҘҘӘР” СПЕКТАКЛЕ КҮРҺӘТЕЛДЕ!

Кисә, 22 апрелдә, Венгр Милли театрының төп сәхнәһендә XI MITEM Халыҡ-ара театр фестивале сиктәрендә Мәжит Ғафури исемендәге Башҡорт дәүләт академия драма театры “Ҡара йөҙҙәр” спектаклен күрһәтте. Спектакль ҙур уңыш менән үтте. Спектаклдән һуң пресс-конференция булды һәм шул уҡ көндө Рәсәй Милли театрының (Александра театры) художество етәксеһе Валерий Фокин, Венгр Милли театры директоры Аттила Виднянский менән осрашыу […]

БАШҠОРТ ДРАМА ТЕАТРЫ ЙӘНӘ ЛӘ БУДАПЕШТҠА ЮЛ ТОТА!

18 апрелдә Мәжит Ғафури исемендәге Башҡорт академия драма театры коллективы Будапештҡа юлланды, унда ул 11-се MITEM Халыҡ-ара театр фестивалендә ҡатнашасаҡ. Йылдың төп театраль ваҡиғаларының береһе – Митем Фестивале 6 апрелдән 28 апрелгә тиклем үтәсәк. Был ваҡытта Будапешт ҡалаһына билдәле театр коллективтары йыйыла. Айрат Абушахмановтың Мәжит Ғафури повесы буйынса ҡуйылған “Ҡара йөҙҙәр” спектакле 22 апрелдә Венгрия […]

МИЛЛИ КЕЙЕМ КӨНӨ МЕНӘН!

Милли кейем — халыҡтың эске булмышының сағылышы, мәҙәни мираҫы, быуындар бәйләнеше. Кеше үҙенең күңел донъяһын кейеме аша асып бирергә ынтылһа, милләттең дә йәшәү рәүеше, көнкүреше, эске донъяһы — тышҡы ҡиәфәтендә сағыла. Милли кейемдә – халыҡ тарихы. Һәр биҙәктә – тәрән мәғәнә, фәлсәфә… Театрыбыҙ актерҙары – Башҡортостандың халыҡ артистары Алһыу Бәхтиева һәм Сәғиҙулла Байегетов “Ғорурлыҡ менән кейәм” фотопроектында. Идея авторы […]

БАШҠОРТ ДРАМА ТЕАТРЫ СТУДИЯҺЫН ЙЫЙЫУҒА АРНАЛҒАН МАТБУҒАТ КОНФЕРЕНЦИЯҺЫ ҮТТЕ

17 апрелдә 15.00 сәғәттә З.Исмәғилев исем. Өфө Дәүләт сәнғәт институтының камера залында  М. Ғафури исем. Башҡорт дәүләт академия драма театры студияһына махсус театр курстарына ҡабул итеүгә арналған матбуғат конференцияһы үтте. Спикерҙар: Фәйзуллин Иршат Ишбулат улы (М.Ғафури исем. БДАДТ директоры), Әлмөхәмәтов Илмар Рәзин улы (З.Исмәғилева исем ӨДСИ ректоры), Абушахманов Айрат Әхтәм улы (М. Ғафури исем. БАДТ […]

ӨФӨЛӘ АЛЕКСАНДРА ТЕАТРЫ КӨНДӘРЕ!

9 апрель “Ҙур гастролдәр” программаһы сиктәрендә креатив индустрия мәктәбендә билдәле театр һәм кино актеры, Рәсәйҙең халыҡ артисы, Рәсәйҙкең Дәүләт премияһы лауреаты Сергей Иванович Паршин менән ижади осрашыу уҙҙы. Осрашыуҙа Өфө, Салауат, Стәрлетамаҡ дәүләт театр-концерт берләшмәһенең Илшат Йомағолов исемендәге Башҡорт драматеатрҙары артистары һәм Заһир Исмәғилев исемендәге Өфө дәүләт сәнғәт институты уҡытыусылары, студенттары ҡатнашты. Сергей Ивановичтың ижади […]

УРАҘА БАЙРАМЫ МЕНӘН!

Хөрмәтле мосолмандар! Һеҙҙе изге Рамаҙан айының тамамланыуы һәм Ураҙа байрамы менән бөтә йөрәктән ҡотлайбыҙ! Мөбәрәк Ураҙа байрамы изге Рамаҙан айының төп ғәмәлдәрен – рухи таҙарыныуҙы, тыныслыҡҡа ынтылыуҙы, шәфҡәтлелекте һәм изге эштәр ҡылыуҙы кәүҙәләндерә. Был ҡиммәттәр барлыҡ дини конфессиялар вәкилдәре өсөн дә берҙәй үк яҡын һәм аңлайышлы. Улар дуҫлыҡҡа, ижадҡа, изгелеккә һәм миһырбанлылыҡҡа, мохтаждарға ярҙам итеүгә […]

СӘҒИҘУЛЛА БАЙЕГЕТОВТЫҢ ЮБИЛЕЙ КИСӘҺЕ!

5 апрель Мәжит Ғафури исемендәге Башҡорт дәүләт академия драма театры актеры, йырсы, ҡурайсы, Башҡортостандың халыҡ артисы, Сәғиҙулла Исмәғил улы Байегетовтың 50 йәшлек юбилейы уҙҙы. Спектакль алдынан юбилярҙы почетлы ҡунаҡтар һәм рәсми кешеләр ҡотлап үтте. Башҡортостандың мәҙәниәт министры Әминә Шафиҡова исеменән юбилярҙы мәҙәниәт министры урынбаҫары Ринат Ғайсин ҡотланы һәм Сәғиҙулла Байегетовҡа Башҡортостан мәҙәниәт министрлығының Почет грамотаһын […]

«ТУҒАНЛЫҠ» ФЕСТИВАЛЕНӘ САҠЫРАБЫҘ !

16 майҙан 23 майға тиклем Башҡортостандың баш ҡалаһы – Өфөлә «Туғанлыҡ» халыҡ-ара милли театрҙар фестивале үтәсәк. Быға тиклем ул “төрки телле театрҙар фестивале” тип аталһа, хәҙерге “Туғанлыҡ” үҙенең сиктәрен киңәйтеп, милли театрҙар фестиваленә әүерелде. Был көндәрҙә Татарстан, Ҡаҙағстан, Ҡырғыҙстан, Төньяҡ Осетия, Хакасия, Сыуашстан, Ҡалмыҡстан, Абхазия, Тыва һәм Дағстандың алдынғы театр коллективтары йыйыласаҡ. Фестиваль театр сәнғәтен […]

ПРИГЛАШАЕМ НА «ТУГАНЛЫК»!

В Уфе с 16 по 23 мая 2024 года пройдет Международный фестиваль национальных театров «Туганлык» – театральный праздник с энергией созидания, единения и добра. Фестиваль впервые пройдет с названием “национальных театров” и в новом качестве: ранее он назывался «фестивалем тюркоязычных театров», теперь его формат расширяется. В афише Фестиваля — 14 спектаклей, два из них – […]

ОЛЕГ ЗАКИР УЛЫ – РӘСӘЙҘӘҢ ХАЛЫҠ АРТИСЫ!

ҠОТЛАЙБЫҘ! Рәсәй Дәүләт премияһы лауреаты, Рәсәйҙең атҡаҙанған һәм Башҡортостандың халыҡ артисы Олег Хановҡа Президент указы менән Рәсәйҙең халыҡ артисы тигән маҡтаулы исем бирелде! Театр коллективы исеменән ихлас күңелдән ҡотлайбыҙ! Киләсәктә лә ижади уңыштар, яңы ҡаҙаныштар, илһамлы тормош теләйбеҙ!

VIII «ТУҒАНЛЫҠ» ХАЛЫҠ-АРА МИЛЛИ ТЕАТРҘАР ФЕСТИВАЛЕ

16-23 майҙа Башҡортостандың баш ҡалаһы – Өфөлә «Туғанлыҡ» халыҡ-ара милли театрҙар фестивале үтәсәк. Быйыл фестиваль һигеҙенсе тапҡыр уҙғарыла. Хәҙерге “Туғанлыҡ” үҙенең сиктәрен киңәйтте һәм хәҙер ул милли театрҙар фестиваленә әүерелде. Был көндәрҙә Абхазия, Ҡаҙағстан, Сыуашстан, Татарстан, Тыва, Хакасия, Дағстан, Төнъяҡ Осетия, Ҡалмыҡстандың алдынғы театр коллективтары йыйыласаҡ. Фестивалдең төп майҙансығы булып – Мәжит Ғафури исемендәге Башҡорт […]