“Һиңә хыянат итеүҙәре – ҡулдарыңды һындырыуға тиң. Кешене ғәфү итергә була, тик башҡаса уны ҡосаҡлап булмай”
Л.Н.Толстой

Был роман мөхәббәт тураһында, ҡатын һәм ир араһындағы мөнәсәбәт тураһында. Ике ҡатын, ике яҙмыш. Һәр ҡайһыһы иренең хыянаты тураһында белгәнгә тиклем үҙен бәхетле тип йәшәй. Алһыу иренең хыянатына үҙе шаһит булһа, ә Фирая тормош иптәшенең хыянаты тураһында ул үлеп киткәс кенә белә. Ике ҡатын бер-береһенә терәк-таяныс булып, яҙмыш һынауҙарын үтә, яңынан йәшәргә өйрәнә.
Уйланылмаған бер аҙым, дыуамаллыҡ кеше тормоштарын селпәрәмә килтерә, ғаилә драмаһына илтә. Әммә ҡырын эш ҡырҡ йылдан һуң да беленә, тиҙәр. Хыянатты аңлап һәм уны ҡылған яҡын кешеңде ғәфү итеп буламы? Был хәлгә кем ғәйепле? Үкенеүҙәр һуңлап килә: тормошта иң ҡәҙерлеһе – ғаилә, бер-береңде ихтирам итеп, тоғро булып йәшәү икән.

Ҡуйыусы режиссер – Айрат Абушахманов, Башҡортостандың атҡаҙанған сәнғәт эшмәкәре, С.Юлаев исем. дәүләт премияһы лауреаты

Ҡуйыусы рәссам – Альберт Нестеров, Башҡортостандың атҡаҙанған сәнғәт эшмәкәре, С.Юлаев исем. дәүләт премияһы лауреаты, С.Юлаев ордены кавалеры

Композитор – Рәмис Хәкимов

Грим буйынса рәссам – Дилара Ласыгина

Рәссам-яҡтыртыусы – Илшат Саяхов

Инсценировка авторы – Динара Ҡәйүмова, Башҡортостандың атҡаҙанған мәҙәниәт хеҙмәткәре

Спектаклдә Илтөзәр Мөхәмәтғәлиев инсценировкаһының сәхнәһе ҡулланыла

РОЛДӘРҘӘ:

Фирая – Римма Ҡаһарманова, Башҡортостандың атҡаҙанған артисткаһы

Алһыу – Гөлнара Ҡаҙаҡбаева, Башҡортостандың атҡаҙанған артисткаһы

Фәрхәд – Юнир Ҡоланбаев, Башҡортостандың атҡаҙанған артисы

Илшат – Айсыуаҡ Йомағолов

Мәжит, ҡарт – Морат Рафиҡов

Зәлиә – Гүзәл Хәсәнова

Психолог, Әсҡәт – Урал Әминов, Башҡортостандың атҡаҙанған артисы, Ш.Бабич исем. дәүләт республика йәштәр премияһы лауреаты

Сафия – Миңзәлә Хәйруллина, Башҡортостандың халыҡ артисткаһы

Гөлбаныу, Элеонора  Морат ҡыҙы – Гүзәл Маликова, Башҡортостандың халыҡ артисткаһы

Машка – Шәүрә Дилмөхәмәтова, Башҡортостандың халыҡ артисткаһы

Зәкиә, Лилиә – Лилиә Сәғитова

Фәнил, ҡарт – Айнур Ғәбитов

Сәхап, ҡарт – Азат Вәлитов, Ш.Бабич исем. дәүләт республика йәштәр премияһы лауреаты

Ләйсән, Гүзәл, ашханасы – Илүзә Итекәева

Спектаклдә Р.Шәғәлиев һәм Д.Ҡәйүмова һүҙҙәренә яҙылған йырҙар яңғырай