Моннан өч йөз ел элек диңгез буенда урнашкан кечкенә генә балыкчылар шәһәрен күз алдыгызга китерегез: күршеләр әйткәләшә, җырлар яңгырый, дәрт-дәрман кайный. Гасырлар кичкән, әмма без бүген дә шундый ук түгелмени? Кешеләр тыштан үзгәрсә дә, асылы шул ук. Чөнки мәхәббәт, көнчелек, дуслык һәм кичерү – мәңгелек. «И’тальян» спектаклендә ике мәдәният очраша: итальянча темпераментлы, җиңел һәм татарча эчкерсез, моңлы. Геройлар төрле телләрдә җырлыйлар, әмма мәңгелек төшенчәләр турында сөйлиләр. Диңгез кебек дәртле һәм шау-шулы тамаша сезне узган гасырның 80 елларына – җылылык, өмет һәм гади шатлыкларга ышану чорына күчерер.