М.Ғафури исемендәге Башҡорт академия драма театрының тамашасы яратып ҡараған иң рухлы, бай йөкмәткеле спектаклдәренең береһе республика буйлап гастролдәрен дауам итә! Тарих биттәрендә алтын хәрефтәр менән яҙылған башҡорт атлы дивизияһы һалдаттарының, генерал Шайморатовтың батырлыҡтарын сағылдырған “Ат уйнатып алдан бара!” спектакле

11 май Ҡыйғы районы

12 май Дыуан районы

13 май Салауат районында күрһәтеләсәк.

Спектаклдең эстәлеге бик бай. Һәр мәлдә еңеү хаҡына йәнен аямаған ҡаһарман, дошманды дер ҡалтыратҡан, уны үҙен хөрмәт итергә мәжбүр иткән Шайморатов, шайморатовсылар тураһында ул. Тамашасылар сәхнә әҫәре менән берлектә документаль фильм да ҡарай, сөнки сәхнәләге ваҡиғалар экрандағы кинохроникалар менән бергә үрелеп бара. Спектакль матур, сағыу, алыш алымдарын индергән хәрби-патриотик бейеүҙәр, рухлы йырҙар, хисле шиғырҙар менән байытылған. Миңлеғәле Шайморатов ролен Ш.Бабич йәштәр премияһы лауреаты Артур Кәбиров башҡара.

Спектаклде сәхнәгә Башҡортостандың һәм Рәсәйҙең халыҡ артисы, С.Юлаев премияһы лауреаты Хөрмәтулла Үтәшев сығарҙы, инсценировка авторы драматург Зөһрә Бураҡаева.

Рәхим итегеҙ!