Үҙәк Азия илдәренең  V Халыҡ-ара театр фестивалендә ҡатнашыусы (Аҡтау, Ҡаҙағстан), 2013 й.

«Легендар шәхес», «ғауға кеше»… Яҡташыбыҙ, бөйөк балет бейеүсеһе Рудольф Нуриев тыуған илендә үҙ юлын таба алмай, сит илдә ҡалырға ҡарар итә, әллә күпме балет мәктәптәрендә үҙен һынап ҡараһа ла, рус балетына тоғро ҡала. Исеме бар донъяға билдәле артистың бер хәрәкәтенән, бер ҡарашынан ғына ла тамашасы «аһ» итер була. Ҡәтғи холҡон, эрелеген дә ғәфү итә улар. Юҡҡамы ни халыҡ бер сығышынан һуң артисты 89 тапҡыр сәхнәгә саҡырып сығара.

Руди — NEVER OFF… ( NEVER OFF — “һис ҡасан һүнмәҫ…”) — Рудольф Нуриев тормошоноң мөһим миҙгелдәрен сағылдыра.