«Туй! Туй! Туй! Ҡапҡаларҙы асып ҡуй!..»
Никах көнө килеп етте, ҡунаҡтар саҡырылған, мул табындар әҙер. Әммә туй мәшәҡәттәре Банат менән Рәсүлдең мөхәббәтен дә һынау алдына ҡуя – кейәү кеше кәләшенә үпкәләп, тантананы ташлап сығып китә…
Туғандар, ҡунаҡтар алдында нисек оятҡа ҡалмаҫҡа? Банатҡа был хәлдәрҙән сығыу өсөн берҙән-бер ысул – әхирәтенең егетен кейәүе итеп таныштырырға! Әммә асыуҙан йөрәк шартлар хәлгә еткәндә, нисек башҡа берәү менән мөхәббәтле пар булып ҡыланырға?!..
Юморға, күңелле ваҡиғаларға, көтөлмәгән хәлдәргә бай йырлы-моңло «Кейәүҙәр» комедияһы һеҙҙең күңелегеҙгә хуш килер һәм һеҙ ҙә геройҙар менән бергә рәхәтләнеп күңел асырһығыҙ, тип ышанабыҙ.

Автор – Хәй Вәхит
Ҡуйыусы режиссер – Фирғәт Ғарипов
Хореограф – Александр Родионов
Рәссам – Сулпан Азаматова
Композитор – Урал Иҙелбаев
Йырҙар авторы-башҡарыусы – Айҙар Исхаҡов
Рәссам-яҡтыртыусы – Сергей Гаевой

Ролдәрҙә:

Рәсүл – Руслан Хайсаров, Айҙар Шәмсетдинов
Банат – Милена Сираева
Барлас – Урал Әминов, Алмаз Йосопов
Мәйсәрә – Лилиә Ғәлина, Айзилә Төркмәнова
Ямалетдин – Руслан Ғәлимов
Бибиямал – Алһыу Бәхтиева, Алһыу Ғәлина
Артист – Алмаз Йосопов, Айҙар Исхаҡов
Стендап текстары авторы — Айбулат Сәсәнбаев