Был ижади проект 2012 йылда Башҡортостандың халыҡ шағиры, Салауат Юлаев исемендәге дәүләт премияһы лауреаты Рәми Ғариповтың тыуыуына 80 йыл тулыу уңайынан сәхнәләштерелде.

Шағир Рәми Ғариповтың ҡатмарлы яҙмышы, һоҡланғыс ижады, һүнмәҫ рухы хаҡында был спектакль. Шағирҙың ҡәләмдәш дуҫтары, ижадташтары, яҡын кешеләре − барыһы ла тормоштан алынған.

Зөһрә Бураҡаева “Шағир донъяһына сәйәхәт”те Рәми ағайҙың көндәлегенә һәм тарихи документтарға таянып яҙа. Халыҡ шағирының шиғырҙары, уйланыуҙары, күңел донъяһы, уның һүҙҙәренә яҙылған йырҙар әҫәрҙә бермә-бер үрелеп бара.

Ҡуйыусы режиссер – Хөрмәтулла Үтәшев

Ҡуйыусы рәссам – Рөстәм Баймөхәмәтов

Музыкаль яҡтан биҙәүсе – Илшат Яхин

Балетмейстер – Сулпан Асҡарова

РОЛДӘРҘӘ:

Йәш Рәми – Артур Кәбиров

Өлкән Рәми – Артур Ҡунаҡбаев

Әсә – Миңзәлә Хәйруллина

Мәрйәм – Светлана Хәкимова

Надя – Милена Сираева / Ирада Ҡадырова

Гөлнара – Фатима Нуриева

Егор Исаев – Азамат Ғафаров

Паруйр Севак – Морат Рафиҡов

Корней Чуковский – Илдар Ғүмәров

Хужа – Хөрмәтулла Үтәшев

Ҡара кеше – Ирек Булатов

Докладсы – Айсыуаҡ Йомағолов

Күмәк сәхнәләрҙә театр артистары ҡатнаша.

Спектаклде Айҙар Шәмсетдинов алып бара.

Диктор-тәржемәсе – Ғәлиә Сөләймәнова