27 ғинуарҙа Мәжит Ғафури исем. Башҡорт академия драма театрының Бәләкәй сәхнәһендә Балалар һәм йәш үҫмерҙәр өсөн «Драмквадратик» театр лабораторияһы» белем биреү проектының йомғаҡлауы үтә.

Былтыр көҙ беҙҙең  театрҙа балалар һәм үҫмерҙәр өсөн драматургик лаборторияһы  эш башлағайны.  Проект Шотландияның Траверс театрындағы  (Эдинбург ҡалаһы) Class Act йәш үҫмерҙәр менән эшләү методикаһы буйынса алып барылды. Дәрестәр йәш драматург Ангиза Ишбулдина етәкселегендә уҙҙы, унда уйындар, интерактив, телдән һәм яҙма күнегеүҙәр барышында балалар драматургия нигеҙҙәрен үҙләштерҙеләр һәм үҙҙәренең тәүге пьесаларын яҙҙылар.

27 ғинуарҙа киске сәғәт биштә был проектта ҡатнашҡан йәш үҫмерҙәр һәм балалар ижад иткән пьесалар сәхнәлә күрһәтеләсәк һәм профессиональ актерҙар һәм режиссерҙар тарафынан ҡуйыласаҡ. Уларҙы Илшат Мөхөтдинов, Алмас Әмиров, Полина Шабаева, Инна Швецова, Регина Ишбулатова , Айҙар Шәмсетдинов һәм Зиләрә Юлтаева  сәхнәгә сығара. Мини-спектаклдәрҙә М.Ғафури исем. Башҡорт академия драма театры,  Өфө ҡалаһының йәш тамашасы театры, шулай уҡ К.Хабенский нигеҙ һалған «Оперение/Хахачу» ижади үҫеш студияһы актерҙары ҡатнашасаҡ.

Проектты ойоштороусылар – Башҡортостан Республикаһының хәҙерге заман драматургия һәм режиссура үҙәге, М.Ғафури исемендәге Башҡорт академия драма театры

Рәхим итегеҙ!

27 ғинуар / 17:00

БӘЛӘКӘЙ СӘХНӘ

Инеү бушлай

Тулыраҡ мәғлүмәт: vk.com/dramasq