2026 йылдың 19 июнендә Мәжит Ғафури исемендәге Башҡорт академия драма театры тамашасыларын ҙур ваҡиғаға — Башҡортостандың халыҡ шағиры Мостай Кәримдең «Киске табын» әҫәре буйынса премьераға саҡыра.

25 август, 1989 йыл. Советтар Союзында перестройка гөрләй. Берәүҙәр илдәге хәлдәрҙе дәртләнеп-рухланып, икенселәр хәүефләнеп күҙәтә.
Ә Артыҡовтар ғаиләһендә бөгөн иҫтәлекле көн: Әхмәтша менән Йәннәт көмөш туйҙарын – сирек быуат бергә йәшәүҙәрен байрам итәләр. Уларҙың берҙән-бер улы Алпамыша ата-әсәһенә үҙенсәлекле бүләк әҙерләгән. Байрам уңайынан ҡоролған киске табын иман килтереү төнөнә әйләнә…

Ижади төркөм:
• Ҡуйыусы режиссер: Илсур Ҡаҙакбаев
• Рәссам: Ләйсән Хөсәйенова
• Хореограф: Олеся Даукаева
• Композитор: Мария Мезинова
• Оркестр етәксеһе: Урал Иҙелбаев
• Вокал буйынса педагог: Нурия Мортазина
• Видеограф: Руслан Юлтаев
• Рәссам-яҡтыртыусы: Сергей Гаевой

Премьера театраль миҙгелдең төп мәҙәни ваҡиғаларының береһе һәм Мостай Кәримдең әҙәби мираҫына мөһим мөрәжәғәт буласаҡ.