Бөгөн талантлы режиссер, Башҡортостандың атҡаҙанған сәнғәт эшмәкәре Айрат Абушахманов алтын юбилейын билдәләй!
Айрәт Әхтәм улы Башҡортостанынан тыш, Татарстан, Сыуашстан, Ҡаҙағстан, Омск, Таллин театрҙарында спектаклдәр ҡуйҙы. “Оҙон-оҙаҡ бала саҡ”, “Ҡара йөҙҙәр”, “Джут”, “Бәхет хаҡы”, “Һинһеҙ килгән яҙҙар” һәм башҡа спектаклдәрен тамашасылар яратып ҡабул итте. Ул сәхнәләштергән әҫәрҙәр Башҡортостандың профессиональ театр сәнғәтен республикала ғына түгел, Рәсәй, халыҡ-ара театр фестивалдәрендә лә лайыҡлы күрһәтеүгә, танытыуға булышлыҡ итә.
Халҡыбыҙҙың арҙаҡлы улын юбилейы менән ҡотлап иң-изге теләктәребеҙҙе еткерәбеҙ, ныҡлы таҙалыҡ, ғаилә именлеге, ижад ҡомары теләйбеҙ.