ВЕНГРИЯЛА “ҠАРА ЙӨҘҘӘР” СПЕКТАКЛЕ КҮРҺӘТЕЛДЕ!

ВЕНГРИЯЛА “ҠАРА ЙӨҘҘӘР” СПЕКТАКЛЕ КҮРҺӘТЕЛДЕ!

Кисә, 22 апрелдә, Венгр Милли театрының төп сәхнәһендә XI MITEM Халыҡ-ара театр фестивале сиктәрендә Мәжит Ғафури исемендәге Башҡорт дәүләт академия драма театры “Ҡара йөҙҙәр” спектаклен күрһәтте. Спектакль ҙур уңыш менән үтте. Спектаклдән һуң пресс-конференция булды һәм шул уҡ көндө Рәсәй Милли театрының (Александра театры) художество етәксеһе Валерий Фокин, Венгр Милли театры директоры Аттила Виднянский менән осрашыу булды.

Бөгөн Мәжит Ғафури исемендәге Башҡорт дәүләт академия драма театры коллективы Будапешттан Стамбулға һәм Ҡазан аша Өфөгә юл тотасаҡ.

Коллективты уңышлы ижади сәфәр менән ҡотлайбыҙ!