23 июнь М.Ғафури исемендәге Башҡорт академия драма театры сәхнәһендә тағы ла бер матур премьера – Фәтхи Бурнаш пьесаһы буйынса “Йәш йөрәктәр” спектакле күрһәтелә
Ҡуйыусы режиссеры – Фирғәт Ғарипов, БР атҡаҙанған артисы
Ҡуйыусы рәссам – Рөстәм Баймөхәмәтов
Композитор – Нур Дауытов, РФ атҡаҙанған сәнғәт эшмәкәре, С.Юлаев исем. Дәүләт премияһы лауреаты
Хореограф – Сулпан Асҡарова, БР атҡаҙанған артисы
Адаптация авторы, консультант – Зөһрә Бураҡаева, Ш.Бабич исем. Йәштәр республика дәүләт премияһы лауреты
Вокал – Нурия Мортазина, БР атҡаҙанған артисы
Оркестр етәксеһе – Урал Иҙелбаев, РБ атҡаҙанған сәнғәт эшмәкәре, Ш.Бабич исем. Йәштәр республика дәүләт премияһы лауреты
Ауыл ҡыҙҙары аулаҡҡа йыйылған. Күңелдәрҙең иләҫ-миләҫ, йөрәктәрҙең дәртле сағы… Бер-береһен оялып ҡына күҙләй, ғашиҡ булалар һәм бөрөләнеп килгән хистәрен сайпылдырмай һаҡлай ауыл йәштәре. Улар араһында һылыу Сәрби һәм сая егет Хәйретдин дә бар. Йәштәрҙең – илһамлы, дәртле йәш йөрәктәрҙең – хыялдар тулы тормошона һуғыш килеп инә: егеттәр фронтҡа алына, ҡыҙҙар йәрәшкән батырҙарын көтөп алырға вәғәҙә итәләр…
Сәхнәләге ваҡиғалар халыҡ ижады өлгөләре: милли уйындар, ғөрөф-ғәҙәттәр, йолалар, бейеүҙәр менән үрелеп бара. Музыкаль спектаклдең нигеҙендә – композитор Нур Дауытов ижад иткән халыҡсан йыр-көйҙәр, уларҙы театр оркестры башҡара.
Видеола репетициянан күренештәр: