5 апрель 19:00 сәғәттә Башдрамтеатр сәхнәһендә “УРАЛ БАТЫР” башҡорт халыҡ эпосы.
Спектакль Башҡортостан Республикаһының халыҡ артисы Сәғиҙулла Байегетовтың 50 йәшлек юбилейына арнала, ул унда төп ролдәрҙең береһе – Сәсән ролен башҡара.
Бөтә донъяны һыу баҫа… Йәнбирҙе менән Йәнбикә ике бер туғанға – Урал менән Шүлгәнгә ғүмер бирәләр. Егет ҡорона ингәс, уларға кешенән көслө Үлем барлығы тураһында мәғлүм була. Урал ағаһы Шүлгән менән бергә кешене үлемһеҙ итеүсе Йәншишмә һыуын эҙләп сығып китәләр…
“УРАЛ БАТЫР” эпосы − башҡорт халҡының бөйөк хазинаһы һәм рухи ҡомартҡыһы. Быуындан быуынға күсә килгән был ҡобайыр үҙенең боронғолоғо, күләме, йөкмәткеһе һәм әһәмиәте яғынан донъяла билдәле ошо жанрҙағы башҡа әҫәрҙәр менән бер кимәлдә тора.

Спектакль авторы, ҡуйыусы режиссеры – Андрей Борисов

Режиссеры – Фирғәт Ғарипов

Ҡуйыусы рәссам Михаил Егоров Костюмдар буйынса рәссам Сардана Федотова

Композиторы-Урал Иҙелбаев

Рәхим итегеҙ!

Билеттар театр кассаһында, шулай уҡ сайтта bashdram.ru