Бөгөн театр етәкселеге исеменән директор Иршат Ишбулат улы Фәйзуллин 104-се ижад миҙгелендә әүҙем хеҙмәттәшлек иткән матбуғат һәм киң мәғлүмәт саралары вәкилдәренә, мәғлүмәти бағыусыларға – театрҙың ижади эшмәкәрлеген әүҙем яҡтыртыуы, актерҙар, режиссерҙар һәм театр әһелдәре ижады менән ҡыҙыҡһыныуы, уларға ҡарата иғтибары өсөн журналистарға, корреспонденттарға, операторҙарға һәм авторҙарға – барлыҡ театрҙың дуҫтарына ихлас рәхмәт һүҙҙәрен белдерә. Һеҙҙең менән берлектә беҙ дөйөм мәҙәни-эстетик киңлекте һәм әхләҡи-рухи ҡиммәттәрҙе һаҡларға, үҫтерергә ынтылабыҙ.
Әүҙем хеҙмәттәшлек иткән матбуғат һәм киң мәғлүмәт саралары вәкилдәренә, мәғлүмәти бағыусыларға сикһеҙ рәхмәтебеҙҙе һәм хөрмәтебеҙҙе белдерәбеҙ.
Киләсәктә лә хеҙмәттәшлек дауам итер, тип ышанабыҙ. Эшегеҙҙә уңыштар, илһамлы тормош һәм яңы үрҙәр теләйбеҙ!
105-се ижад миҙгелендә осрашҡанға тиклем!