Барығыҙҙы ла “Донъяны таң ҡалдырған ҡурайсы” исемле иҫтәлекле сараға саҡырабыҙ!

19 октябрь 18:00 сәғәттә М.Ғафури исемендәге Башҡорт дәүләт академия драма театрының бәләкәй сәхнәһендә Башҡортостандың халыҡ артисы, Түңгәүер ырыуының мәшһүр ҡурайсыһы Йомабай Иҫәнбаевҡа арналған китап-альбомдың исем туйы үтәсәк.

Программала: Йомабай Иҫәнбаевтың ейәне – Миңнулла Иҫәнбаев, Ҡурайсылар дәүләт ансамбле, Ҡәҙим Аралбаев, Азат Ярмуллин, Хөрмәтулла Ғаззали улы Үтәшев, Рафаэль Ғәбдрәхим улы Шафиҡов, Флүр Сибәғәтов, Азат Айытҡолов, Хәйбулла районы администрацияһы вәкилдәре, Алһыу Бәхтиева, Алһыу Ғәлина, Фәнис Рәхмәтов, Артур Кәбиров, Зөлфиә Ҡарабаева, Айлина Ҡәйүмова сығыштары.

Сараның бөйөк мәҙәни әһәмиәте булған һәм ҡурай моңдарын яратҡан һәр кемде көтөп ҡалабыҙ!

Инеү ирекле!