Кисә Камал театры менән алмаш гастролдәребеҙ сиктәрендә “Йәш йөрәктәр” (Ф. Бурнаш) һәм “ДЖУТ. Һуңғы йәйләү” (О.Жанайдаров) спектаклдәрен уйнаныҡ.

Режиссер Фирғәт Ғарипов ҡуйған “Йәш йөрәктәр” спектаклендәге хәл-ваҡиғалар милли уйын, ғөрөф-ғәҙәт, йола, бейеүҙәр кеүек халыҡ ижады өлгөләре менән үрелеп бара. Театр оркестры башҡарыуындағы көй-моңдар тамашаға йәм өҫтәй.

«Джут» документаль драмаһында (режиссер А.Абушахманов) бер үк ваҡытта ике төрлө ваҡиға һүрәтләнә. Береһе — бөгөнгө көндә Мәскәүҙә, шул аслыҡты башынан үткәргән Әхмәттең ейәне Ербол менән Мәскәү журналисы Ленаның осрашыуы. Икенсеһе – 1930 йылдарға, Әхмәт менән Сауленең аслыҡ афәтен кисергән тормошона, Ҡаҙағстан тарафтарына алып китә.

Ҡазан тамашасыһына дәррәү алҡыштары, йылы теләктәре өсөн ҙур рәхмәт!