11 март Мәжит Ғафури исемендәге Башҡорт академия драма театрына Рәсәй театр сәнғәте институтының доценты, «Г.Г. Дадамян мәктәбе» Юғары сәхнә сәнғәте мәктәбенең педагогы, Дәүләт сәнғәтен өйрәнеү институтының өлкән ғилми хеҙмәткәре, Милли театр премияһы һәм «Алтын битлек» фестивале эксперты, танылған театр белгесе һәм тәнҡитсе Екатерина Борисовна Морозова ҡунаҡҡа килде.

Екатерина Борисовна Өфөгә Рәсәйҙә дәүләт театры барлыҡҡа килеүҙең 270 йыллығына арналған «Национальный театр: история, теория, сценическое воплощение» тип аталған халыҡ-ара фәнни-ғәмәли конференцияның ғилми программаһында ҡатнашыу өсөн килгән.

Мәҙәни программа сиктәрендә ҡунағыбыҙ «ҠАРА ЙӨҘҘӘР» (М.Ғафури, инсц. А.Абушахманов, Ш.Ғилманова, реж. А.Абушахманов) спектакленә тамаша ҡылды. Тамашанан һуң тәнҡитсе актерҙар ансамбленең юғары оҫталығын, сәхнә ҡарарының сағыулығын һәм башҡорт драма сәнғәтенә хас айырым атмосфераны айырып һыҙыҡ өҫтөнә алды.

Екатерина Борисовна әйтеүенсә, был спектакль көслө хис-тойғолар уята, режиссер менән актерҙарҙың хеҙмәте милли театр традицияларына ихтирамлы мөнәсәбәт һәм заманса сәхнә теле менән һоҡландыра.

Профессиональ театр йәмғиәтенең иғтибары беҙҙең театр өсөн айырыуса ҡиммәтле. Екатерина Борисовнаға ихлас рәхмәтебеҙҙе белдерәбеҙ — яҡты фекерҙәре, театрға ҡарата ҡыҙыҡһыныуы һәм коллективҡа йылы һүҙҙәре өсөн ҙур рәхмәт!

Екатерина Борисовна әйтеүенсә, спектакль тамашасы күңелендә көслө тәьҫораттар уята. Режиссер һәм актерҙарҙың эше милли театр традицияларына һаҡсыл ҡараш менән заманса сәхнә алымдарын осталарса берләштерә.

Беҙҙең өсөн театр белгестәренең иғтибары айырыуса ҡәҙерле. Екатерина Борисовнаға театрыбыҙҙың коллективына булған ихтибары, йылы фекерҙәре һәм ихлас хуплауы өсөн оло рәхмәтебеҙҙе еткерәбеҙ.