“Внутри меня цунами” спектаклендәге һәр тарих – ҡыйыу, уйсан, сиктән тыш ғәҙеллек тойғоһо менән янған бер үҫмерҙең әйтер һүҙе. Балалыҡтан сығып ҙур тормошҡа аҙым яһаған мәлдә беҙ күреп өйрәнгән үҫмерҙәрҙең уй-кисерештәре лә, холоҡ-фиғелдәре лә башҡаса. Үҫмер Сабина бөтөнләй таныш булмаған кешегә һөйәк мие доноры булырға итһә, Федот үҙ комплекстарынан көлөү аша ҡотолорға теләй, тәү ҡарашҡа ҡаты, ҡоро күренгән Ваня ля башҡаларҙың хәленә инеү һәләтен юғалтмаған әле.
