«Туй! Туй! Туй! Ҡапҡаларҙы асып ҡуй!..»
Никах көнө килеп етте, ҡунаҡтар саҡырылған, мул табындар әҙер. Әммә туй мәшәҡәттәре Банат менән Рәсүлдең мөхәббәтен дә һынау алдына ҡуя – кейәү кеше кәләшенә үпкәләп, тантананы ташлап сығып китә…
Туғандар, ҡунаҡтар алдында нисек оятҡа ҡалмаҫҡа? Банатҡа был хәлдәрҙән сығыу өсөн берҙән-бер ысул – әхирәтенең егетен кейәүе итеп таныштырырға! Әммә асыуҙан йөрәк шартлар хәлгә еткәндә, нисек башҡа берәү менән мөхәббәтле пар булып ҡыланырға?!..
Юморға, күңелле ваҡиғаларға, көтөлмәгән хәлдәргә бай йырлы-моңло «Кейәүҙәр» комедияһы һеҙҙең күңелегеҙгә хуш килер һәм һеҙ ҙә геройҙар менән бергә рәхәтләнеп күңел асырһығыҙ, тип ышанабыҙ.