18 апрель 19:00 сәғәттә Мәжит Ғафури исемендәге Башҡорт дәүләт академия драма театры сәхнәһендә Башҡорт Дәүләт ҡурсаҡ театры студияһының 4-се курс студенттары А. Н. Островскийҙың “Гроза” пьесаһы буйынса диплом спектаклен тәғдим итә. 14+.

А. Н.Островскийҙың «Гроза» пьесаһы рус классик драматургияһының иң әһәмиәтле әҫәрҙәренең береһе булып тора. Сюжет үҙәгендә үҙе теләп кейәүгә сыҡмаған Катерина исемле ҡыҙ хаҡында. Яңы йортта яңы статуста ул үҙен артыҡ итеп тоя, сөнки ҡәйнәһе уға көн күрһәтмәй. Әммә бер көндө, ире сығып киткәс, Катерина йәш егеткә ғашиҡ була… Был фажиғәле тарихтың нисек тамамланыуы тураһында барыһына ла аныҡ билдәле.

Режиссёр – Рима Харисова.

Билеттар хаҡы –  200-250 һум.
Пушкин картаһы ғәмәлдә.
Спектакль 2 сәғ. 10 мин. антракт менән!