Бөгөнгө күҙлектән сығып, махсус хәрби операцияла ҡатнашҡан Луганск актёрҙары тураһында пьеса буйынса ҡуйылған был спектакль илһөйәрлек тәрбиәләүҙә мөһим мәсьәләләрҙе күтәрә. МХО-ла ҡатнашыусының тарихы сәхнә менән тормош араһындағы сиктәрҙе юйып, әҫәрҙә һалынған тәрән темаларҙы аса.

Сюжет үҙәгендә – Бөйөк Ватан һуғышы тураһындағы фильм кастингы һәм ундағы көсөргәнешле әңгәмә. Кинорежиссёр ҡаршыһына һуғышты сценарий буйынса ғына түгел, үҙ елкәһендә татыған һәм тәрән күңел яраһы алған актёр баҫа. Уларҙың бәхәсендә ысынбарлыҡ менән ялған, карьера һәм хаҡ булмыш бер-береһенә ҡаршы ҡуйыла.

Тыуған ил алдындағы бурыс, ҡыйыулыҡ, яуаплылыҡ… Режиссёр менән актёрҙың көтмәгәндә киҫешкән яҙмыштары миҫалында илһөйәрлек төшөнсәһе кешелеклелек менән үлсәнгән ғәмәл булараҡ асыҡлана. Был әңгәмә – хәтер, йәшәү хаҡы һәм һынауҙар алдында кеше булып ҡалыу тураһында уйланыуҙар.

Автор – Елена Коллегова

Спектаклдең художество етәксеһе – Айрат  Абушахманов

Режиссёр һәм башҡорт теленә тәржемә авторы – Хөрмәтулла  Үтәшев

Ҡуйыусы рәссам – Рөстәм  Баймөхәмәтов

Композитор – Рәмис  Хәкимов

Видеограф – Руслан  Юлтаев

Ролдәрҙә:   

Артём Егоров, актёр – Азат Вәлитов, Илгиз Таһиров

Рафаэль Эльдарович Гатин, режиссёр – Артур Ҡунаҡбаев, Айсыуаҡ Йомағолов

Алина – Илгизә Ғилманова, Гөлнара Ҡаҙаҡбаева

Артур Маратович, продюсер – Азамат Ғафаров, Ирек Булатов

Вадим – Айнур Ситдыҡов, Линар Бәитов, Айгиз Баймөхәмәтов

Гуля, режиссёр ассистенты – Зилиә Ситдыҡова, Илүзә Күсәбаев