2025 йылдың 13-14 мартында Өфөлә V «АРТ-Ҡоролтай» Мәҙәни форумы үтте. Форум Башҡортостандың баш ҡалаһында 2021 йылдан алып йыл һайын уҙғарыла һәм Рәсәй мәҙәниәте өлкәһендә стратегик ҡарарҙар ҡабул итеү маҡсатында профессиональ үҫеш һәм иң яҡшы тәжрибәләр менән алмашыу киңлеген формалаштырыуға йүнәлтелгән Рәсәйҙәге иң ҙур дискуссия майҙансыҡтарының береһе булып тора.

V “Арт-Ҡоролтай” Мәҙәни форумы сиктәрендә
Рәсәйҙең атҡаҙанған, Башҡортостандың халыҡ артисы Эльвира Әхтәм ҡыҙы Юнысова Салауат Юлаев ордены бүләкләнде, ә драма артисы Рафиҡов Морат Урал улы “Әҙәбиәт” номинацияһында махсус приз менән бүләкләнде!

💫Бар коллектив, тамашасылар исеменән Эльвира Әхтәм ҡыҙын һәм Морат Урал улын наградалары менән ихлас ҡотлайбыҙ!